Adolygiad o weithgareddau a gyflawnwyd gan Chwarae Teg yn unol â'r cyllid craidd a weinyddir rhwng 2014 - 2020
Mae Llywodraeth Cymru wedi comisiynu Ymchwil OB3, mewn cydweithrediad a Dateb a Elevate, i gynnal adolygiad o'r gwaith a gyflawnwyd gan Chwarae Teg trwy arian craidd Llywodraeth Cymru rhwng 2014 a 2020. Nod yr adolygiad hwn yw rhoi gwybodaeth amserol i Lywodraeth Cymru ar ffurf adolygiad o'r gweithgareddau a ddarperir gan Chwarae Teg ac alinio'r gweithgareddau hyn â'r Cynllun Cyflogadwyedd. Fel rhan o'r adolygiad hwn bydd Ymchwil OB3 yn casglu gwybodaeth drwy gyfweliadau.
Llywodraeth Cymru yw rheolwr data'r ymchwil. Fodd bynnag, bydd Ymchwil OB3 yn dileu unrhyw ddata personol sy’n cael ei ddarparu yn ystod cyfweliadau ac yn anhysbysu'r data crai, cyn iddo gael ei rannu â Llywodraeth Cymru.
Bydd y wybodaeth a gesglir yn ystod y gwerthusiad yn cael ei chynnwys mewn adroddiad a gyhoeddir ar wefan Llywodraeth Cymru.
Mae eich cyfranogiad yn yr ymchwil hon yn gwbl wirfoddol. Fodd bynnag, mae eich barn a'ch profiadau yn bwysig er mwyn helpu i lywio polisïau Llywodraeth Cymru.
Y cyswllt ar gyfer yr ymchwil hon yn Ymchwil OB3 yw Nia Bryer
Cyfeiriad e-bost: nia@ob3research.co.uk
Rhif ffôn: 07792 609821
HYSBYSIAD PREIFATRWYDD
Pa ddata personol ydym ni yn ei ddal a ble rydym yn cael y wybodaeth hon?
Diffinnir data personol o dan y Rheoliad Diogelu Data Cyffredinol (GDPR) fel ‘unrhyw wybodaeth sy’n ymwneud â pherson adnabyddadwy y gellir ei hadnabod yn uniongyrchol neu’n anuniongyrchol trwy gyfeirio at ddynodwr’.
Mae Chwarae Teg wedi cadw eich manylion cyswllt gan i chi gymryd rhan naill ai yn eu rhaglenni LeadHERship neu Step to non-exec’ fel y'u cyflwynwyd ganddynt. Bydd Chwarae Teg wedi cysylltu â chi i ofyn a ydych yn cydsynio i rannu eichr manylion cyswllt gyda OB3 er mwyn cysylltu â chi i gynnal cyfweliad fel rhan o'r adolygiad hwn o waith Chwarae Teg 2014 – 2020. Bydd OB3 ond yn defnyddio eich cyfeiriad e-bost a rhif ffôn at ddibenion yr adolygiad hwn.
Nid yw'r ymchwil hwn yn gofyn am gasglu data personol ychwanegol gennych chi ond fe allai cyfweliadau ar-lein gael eu recordio.
Efallai y bydd angen i ni recordio rhai cyfweliadau drwy Teams neu dros y ffôn am resymau gweithredol. Os yw hyn yn wir, byddwn yn gwneud hyn yn glir i chi cyn i'r cyfweliad ddechrau, a byddwch yn cael cyfle i ddweud wrthym os nad ydych yn hapus i'r cyfweliad gael ei recordio. Os cofnodir cyfweliadau, bydd data personol yn cael ei dynnu yn ystod y broses o drawsgrifio cyfweliadau. Bydd recordiadau'n cael eu dileu cyn gynted ag y bydd y broses hon wedi'i chwblhau. Os na chaiff cyfweliadau eu recordio, ni fydd data personol yn cael ei gynnwys mewn nodiadau ysgrifenedig a baratowyd yn dilyn cyfweliadau.
Mae eich cyfranogiad yn wirfoddol ac os nad ydych am gymryd rhan neu gael eich atgoffa, atebwch yr e-bost gwahoddiad a bydd eich manylion yn cael eu dileu.
Os byddwch yn codi ymholiad neu gŵyn ac yn darparu data personol yn gofyn am ymateb, bydd yr ymchwilydd yn anfon y cais ymlaen at y swyddog perthnasol yn unig ac yna'n ei ddileu o'r data ymchwil.
Beth yw'r sylfaen gyfreithlon ar gyfer defnyddio'ch data?
Ein sylfaen gyhoeddus ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.
Mae cyfranogiad yn gwbl wirfoddol. Mae astudiaethau ymchwil fel hyn yn bwysig i Lywodraeth Cymru gasglu gwybodaeth a thystiolaeth y gellir ei gweithredu am ei gallu i gyflawni blaenoriaethau'r llywodraeth. Gellir defnyddio'r wybodaeth a gasglwyd yn yr ymchwil hon, er enghraifft i:
• adolygu pa mor dda y mae'r gwasanaethau a ddarperir gan Chwarae Teg, fel y'u hariannwyd gan Gyllid Craidd Llywodraeth Cymru, yn cefnogi'r gwaith o gyflawni blaenoriaethau allweddol Llywodraeth Cymru, gan gynnwys y Cynllun Cyflogadwyedd, y Cynllun Gweithredu Economaidd, Deddf Llesiant Cenedlaethau'r Dyfodol, a tharged Cymraeg 2050.
• asesu perfformiad Chwarae Teg yn erbyn ei nodau a'i amcanion datganedig ar gyfer y cyfnod dan sylw (2014-2020), gan gynnwys adolygiad o'r rhwystrau a wynebwyd, p'un a yw'r rhain wedi'u goresgyn a sut y byddai'r rhain wedi'u goresgyn.
• asesu, lle bo modd, sut mae Chwarae Teg wedi cyfrannu at gynorthwyo siaradwyr Cymraeg drwy eu rhaglenni.
• wneud argymhellion ar y data sydd i'w gasglu er mwyn ymgymryd ag unrhyw fath o werthusiad yn y dyfodol
• wneud argymhellion ar gyfer datblygu polisi yn y dyfodol yn seiliedig ar y gwersi a ddysgwyd o'r adolygiad.
Pa mor ddiogel yw eich data personol?
Mae unrhyw wybodaeth bersonol a ddarperir i Ymchwil OB3 bob amser yn cael ei storio ar weinydd diogel. Dim ond nifer gyfyngedig o ymchwilwyr sy'n gweithio ar y prosiect hwn sy'n gallu cyrchu'r data. Dim ond at ddibenion ymchwil y bydd Ymchwil OB3 yn defnyddio'r data hwn. Mae gan Ymchwil OB3 ardystiad Cyber Essentials.
Mae Ymchwil OB3 wedi rhoi gweithdrefnau ar waith i ddelio ag unrhyw amheuaeth o dorri diogelwch data. Os bydd amheuaeth o dorri, bydd Ymchwil OB3 yn adrodd hyn i Lywodraeth Cymru a fydd yn eich hysbysu chi ac unrhyw reoleiddiwr cymwys lle mae'n ofynnol yn gyfreithiol i ni wneud hynny.
Adroddir ar yr holl ddata a gesglir trwy'r ymchwil hon mewn fformat dienw. Ni fydd yn cynnwys eich manylion cyswllt a bydd unrhyw wybodaeth y gellir ei hadnabod mewn atebion penagored yn cael ei dileu. Bydd Ymchwil OB3 yn defnyddio'r wybodaeth a gesglir i gynhyrchu adroddiad a fydd yn cael ei gyhoeddi ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i nodi cyfranogwyr unigol.
Pa mor hir ydyn ni'n cadw'ch data personol?
Gall Ymchwil OB3 ddal data personol yn ystod cyfnod y contract, a bydd unrhyw ddata personol a ddarperir gennych yn cael ei ddileu gan Ymchwil OB3 dri mis ar ôl diwedd y contract. Mae hyn yn cynnwys eich manylion cyswllt.
Bydd Ymchwil OB3 yn darparu fersiwn anhysbys o'r data i Lywodraeth Cymru na fydd yn cynnwys gwybodaeth a allai eich adnabod chi.
Hawliau unigol
O dan GDPR, mae gennych yr hawliau canlynol mewn perthynas â'r wybodaeth bersonol rydych chi'n ei darparu fel rhan o'r [prosiect] hwn, mae gennych chi'r hawl:
· Cyrchu copi o'ch data eich hun
· I ni unioni gwallau yn y data hwnnw
· Gwrthwynebu neu gyfyngu ar brosesu (mewn rhai amgylchiadau)
· Er mwyn i'ch data gael ei ‘ddileu’ (mewn rhai amgylchiadau), a
· Cyflwyno cwyn i Swyddfa'r Comisiynydd Gwybodaeth (ICO) sef ein rheolydd annibynnol ar gyfer diogelu data.
Y manylion cyswllt ar gyfer Swyddfa'r Comisiynydd Gwybodaeth yw: Wycliffe House, Water Lane, Wilmslow, Sir Gaer, SK9 5AF. Ffôn: 01625 545 745 neu 0303 123 1113. Gwefan: www.ico.org.uk.
Gwybodaeth Bellach
Os oes gennych unrhyw gwestiynau pellach ynglŷn â sut y bydd y data a ddarperir fel rhan o'r astudiaeth hon yn cael ei ddefnyddio gan Lywodraeth Cymru neu'n dymuno arfer eich hawliau gan ddefnyddio'r Rheoliad Diogelu Data Cyffredinol, cysylltwch â:
Enw: Emma Baxter
Cyfeiriad e-bost: Emma.Baxter@gov.wales
Rhif ffôn: 03000255901
Gellir cysylltu â Swyddog Diogelu Data Llywodraeth Cymru yn:
Llywodraeth Cymru, Parc Cathays, Caerdydd, CF10 3NQ, E-bost: DataProtectionOfficer@gov.wales.