Ymchwil i gefnogi'r gwerthusiad o Ddiwygiadau Diamond: Gwaith maes gyda myfyrwyr rhan-amser ac ôl-raddedig
Mae Llywodraeth Cymru wedi comisiynu OB3 Research (OB3) a Miller Research, i gynnal ymchwil i gefnogi'r gwerthusiad o Ddiwygiadau Diamond i Addysg Uwch yng Nghymru. Nod yr ymchwil hon yw darparu tystiolaeth i gefnogi asesiad o dri amcan cyntaf y Diwygiadau Diemwnt:
Ehangu mynediad i Addysg Uwch.
Cryfhau darpariaeth ran-amser.
Cryfhau'r ddarpariaeth ôl-raddedig.
Fel rhan o'r adolygiad hwn, bydd OB3 a Miller Research yn casglu gwybodaeth drwy arolwg a chyfweliadau neu grwpiau ffocws gyda myfyrwyr rhan-amser ac ôl-raddedig sy'n astudio mewn Addysg Uwch sy'n derbyn cymorth ariannol gan Gyllid Myfyrwyr Cymru. Bydd cyfranogwyr yn cael eu gwahodd i gymryd rhan yn yr arolwg trwy e-bost ac yna gofynnir iddynt fynegi diddordeb mewn cymryd rhan mewn cyfweliad neu grŵp ffocws dilynol.
Llywodraeth Cymru yw'r rheolwr data ar gyfer yr ymchwil. Fodd bynnag, bydd OB3 yn dileu unrhyw ddata personol a ddarperir drwy'r cyfweliadau, grwpiau ffocws a gweithdai, ac yn dienwio'r data crai, cyn iddo gael ei rannu â Llywodraeth Cymru.
Bydd y wybodaeth a gesglir yn ystod y prosiect yn cael ei chynnwys mewn adroddiad a gyhoeddir ar wefan Llywodraeth Cymru ac o bosibl mewn cyhoeddiadau eraill gan OB3 a Llywodraeth Cymru.
Mae eich cyfranogiad yn yr ymchwil hon yn gwbl wirfoddol. Fodd bynnag, mae eich barn a'ch profiadau yn bwysig er mwyn helpu i lywio polisïau Llywodraeth Cymru.
Y cyswllt ar gyfer yr ymchwil hon yn OB3 yw Nia Bryer
Cyfeiriad e-bost: Nia.Bryer@ob3research.co.uk
HYSBYSIAD PREIFATRWYDD
Pa ddata personol sydd gennym a ble rydyn ni'n cael y wybodaeth hon?
Mae data personol yn cael ei ddiffinio o dan Reoliad Diogelu Data Cyffredinol y DU (UK GDPR) fel 'unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol trwy gyfeirio at ddynodwr'.
Darparwyd eich enw a'ch cyfeiriad e-bost i OB3 Research (OB3) a Miller Research gan Lywodraeth Cymru. Derbyniodd Llywodraeth Cymru eich gwybodaeth wrth y Cwmni Benthyciadau Myfyrwyr, sefydliad dielw sy'n eiddo i'r llywodraeth ac sy'n gweinyddu benthyciadau a grantiau i fyfyrwyr mewn colegau a phrifysgolion yn y DU. Dim ond at ddibenion yr adolygiad hwn y bydd OB3 a Miller Research yn defnyddio'r wybodaeth hon.
Fe'ch gwahoddir i gymryd rhan yn yr arolwg drwy e-bost. Bydd eich ymatebion i'r arolwg yn ddienw. Mae eich cyfranogiad yn wirfoddol ac os nad ydych yn dymuno cymryd rhan neu derbyn negeseuon atgoffa ar unrhyw gam, yna atebwch yr e-bost a bydd eich manylion yn cael eu dileu.
Ar ddiwedd yr arolwg byddwch yn cael cyfle i gymryd rhan mewn gwobr raffl i ennill taleb siopa gwerth £50 a hefyd gofynnir i chi os ydych yn cytuno i gymryd rhan mewn cyfweliad neu drafodaeth grŵp ffocws a gynhelir ar-lein drwy MS Teams. Gallwch benderfynu gwneud y ddau, neu naill ai un neu’r llall o'r opsiynau hyn. Bydd angen i chi ddarparu eich enw a'ch cyfeiriad e-bost ym mhob achos drwy ddefnyddio ffurflenni cofrestru ar wahân nad sydd yn gysylltiedig â chanlyniadau eich arolwg mewn unrhyw ffordd.
Os byddwch chi'n cymryd rhan yn y wobr raffl, yna bydd OB3 a Miller Research yn dewis cyfeiriad e-bost ar hap i anfon taleb Love2shop.
Efallai y byddwn yn casglu gwybodaeth ddienw amdanoch chi, gan gynnwys eich rhyw ac os oes gennych anghenion dysgu ychwanegol trwy ffurflen ar wahân a anfonir atoch pan fyddwch chi'n cael eich gwahodd i grŵp ffocws. Pwrpas casglu'r wybodaeth hon yw adrodd ar gynrychiolaeth y grwpiau ffocws yn eu cyfanrwydd ac ni fydd yn bosibl adnabod eich ymatebion unigol.
Nid yw cymryd rhan mewn cyfweliad neu grŵp ffocws yn gofyn am gasglu data personol ychwanegol gennych ac eithrio eich delwedd os ydych yn cytuno i'r cyfweliad neu'r grŵp ffocws gael ei recordio mewn fideo.
Efallai y bydd angen i ni recordio grwpiau ffocws a chyfweliadau fideo neu sain am resymau gweithredol. Os yw hyn yn wir, byddwn yn gwneud hyn yn glir i chi cyn i'r cyfweliad neu'r grŵp ffocws ddechrau, a byddwch yn cael cyfle i ddweud wrthym os nad ydych yn hapus i'r drafodaeth gael ei recordio. Bydd grŵp ffocws ond yn cael ei recordio os fydd holl aelodau'r grŵp yn hapus i hyn ddigwydd. Os recordir grwpiau ffocws neu gyfweliadau, bydd data personol yn cael ei ddileu yn ystod y broses o drawsgrifio. Bydd recordiadau'n cael eu dileu cyn gynted ag y bydd y broses hon wedi'i chwblhau. Os na chofnodir trafodaethau, ni fydd data personol yn cael ei gynnwys mewn nodiadau ysgrifenedig a baratowyd yn ystod neu ar ôl y grŵp ffocws neu gyfweliadau.
Os ydych chi'n codi ymholiad neu gŵyn ac yn darparu data personol sy'n gofyn am ymateb, bydd yr ymchwilydd yn anfon y cais ymlaen y cais at y swyddog perthnasol yn unig ac wedyn yn ei ddileu o'r data ymchwil.
Beth yw'r sail gyfreithlon dros ddefnyddio eich data?
Y sail gyfreithlon ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.
Mae cyfranogi yn gwbl wirfoddol. Mae astudiaethau ymchwil fel hyn yn bwysig i Lywodraeth Cymru gasglu gwybodaeth a thystiolaeth weithredadwy am ei gallu i gyflawni blaenoriaethau'r llywodraeth. Gellid defnyddio'r wybodaeth a gesglir yn yr ymchwil hon, er enghraifft, i:
· ddeall profiadau dysgwyr o ddarpariaeth ran-amser
· ddeall y rhwystrau i ddysgwyr sy'n dymuno astudio'n rhan-amser
· archwilio effeithiau ariannol a gweithredol darpariaeth ran-amser ar gyfer sefydliadau sy’n darparu addysg uwch yng Nghymru
· ddeall profiadau dysgwyr o ddarpariaeth ôl-raddedig
· ddeall y rhwystrau i ddysgwyr ôl-raddedig sy'n dymuno astudio'n rhan-amser
· deall pa mor dda mae pecyn cymorth ariannol Llywodraeth Cymru yn diwallu anghenion pob dysgwr addysg uwch sy'n hanu o Gymru.
Pa mor ddiogel yw eich data personol?
Mae gwybodaeth bersonol a ddarperir i OB3 a Miller Research bob amser yn cael ei storio ar weinydd diogel. Dim ond nifer cyfyngedig o ymchwilwyr sy'n gweithio ar y prosiect hwn gall gyrchu’r data. Bydd OB3 a Miller Research yn defnyddio'r data hwn at ddibenion ymchwil yn unig. Mae gan OB3 a Miller Research ardystiad cyber essentials.
Wrth gynnal arolygon, mae OB3 a Miller Research yn defnyddio rhaglen feddalwedd arolwg o'r enw Snap Surveys. Rydym wedi sicrhau bod Snap Surveys yn cydymffurfio â GDPR y DU ac yn bodloni ein disgwyliadau o ran diogelwch unrhyw ddata sydd wedi'i storio neu a gesglir drwy'r feddalwedd.
Mae gan OB3 a Miller Research weithdrefnau i ddelio ag unrhyw doriadau diogelwch data a amheuir. Os fydd hyn yn digwydd, bydd OB3 yn rhoi gwybod amdano i Lywodraeth Cymru a fydd yn eich hysbysu chi ac unrhyw reoleiddiwr perthnasol lle mae'n ofynnol yn gyfreithiol i ni wneud hynny.
Bydd OB3 a Miller Research yn defnyddio'r wybodaeth a gesglir i baratoi adroddiad a fydd yn cael ei gyhoeddi ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i adnabod cyfranogwyr unigol.
Pa mor hir ydyn ni'n cadw eich data personol?
Bydd OB3 a Miller Research yn cadw data personol yn ystod cyfnod y contract, a bydd unrhyw ddata personol nad yw eisoes wedi'i dynnu yn cael ei ddileu gan OB3 a Miller Research o fewn tri mis i’r cytundeb ddod i ben. Bydd hyn yn cynnwys eich manylion cyswllt lle gwnaethoch eu darparu.
Bydd OB3 yn darparu fersiwn ddienw o ddata'r arolwg na fydd yn cynnwys gwybodaeth a allai eich adnabod i Lywodraeth Cymru.
Hawliau unigol
O dan GDPR y DU, mae gennych yr hawliau canlynol mewn perthynas â'r wybodaeth bersonol rydych chi'n eu darparu fel rhan o'r adolygiad hwn, yn benodol mae gennych yr hawl:
· I gael mynediad at gopi o'ch data eich hun;
· I ni gywiro anghywirdebau yn y data hwnnw;
· I wrthwynebu neu gyfyngu ar brosesu (mewn rhai amgylchiadau);
· I'ch data gael ei 'ddileu' (mewn rhai amgylchiadau); a
· I gyflwyno cwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.
Manylion cyswllt Swyddfa'r Comisiynydd Gwybodaeth yw: Wycliffe House, Water Lane, Wilmslow, Swydd Gaer, SK9 5AF. Ffôn: 0303 123 1113. Gwefan: www.ico.org.uk
Rhagor o wybodaeth
Os oes gennych unrhyw gwestiynau pellach am sut y bydd y data a ddarperir fel rhan o'r astudiaeth hon yn cael ei ddefnyddio gan Lywodraeth Cymru neu os hoffech arfer eich hawliau gan ddefnyddio Rheoliad Diogelu Data Cyffredinol y DU, cysylltwch â:
Enw: Emma Hall
Cyfeiriad e-bost: emma.hall001@gov.wales
Rhif ffôn: 03000258673
Gellir cysylltu â Swyddog Diogelu Data Llywodraeth Cymru yn:
Llywodraeth Cymru, Parc Cathays, Caerdydd, CF10 3NQ, E-bost: DataProtectionOfficer@gov.cymru.