Adolygiad o Raglen Plant Iach Cymru: Cyfweliadau cwmpasu â rhanddeiliaid
Mae Llywodraeth Cymru wedi comisiynu Ymchwil OB3 (OB3) i gynnal adolygiad o Raglen Plant Iach Cymru (HCWP). Nodau'r adolygiad yma yw asesu effaith ganfyddedig Rhaglen Plant Iach Cymru ac ystyried a yw darpariaeth presennol Rhaglen Plant Iach Cymru yn addas i'r diben ac yn helpu i gyflawni amcanion y rhaglen.
Fel rhan o'r ymchwil yma, bydd OB3 yn casglu gwybodaeth trwy gyfweliadau cwmpasu â rhanddeiliaid.
Llywodraeth Cymru yw'r rheolwr data ar gyfer yr ymchwil. Fodd bynnag, bydd OB3 yn dileu unrhyw ddata personol a ddarperir drwy'r cyfweliadau, ac yn dienwio'r data crai, cyn iddo gael ei rannu â Llywodraeth Cymru.
Bydd y wybodaeth a gesglir yn ystod y prosiect yn cael ei chynnwys mewn adroddiad a gyhoeddir ar wefan Llywodraeth Cymru ac o bosibl mewn cyhoeddiadau eraill gan OB3 a Llywodraeth Cymru.
Mae eich cyfranogiad yn yr ymchwil hon yn gwbl wirfoddol. Fodd bynnag, mae eich barn a'ch profiadau yn bwysig er mwyn helpu i lywio polisïau Llywodraeth Cymru.
Y cyswllt ar gyfer yr ymchwil hon yn OB3 yw Heledd Bebb.
Cyfeiriad e-bost: heledd.bebb@ob3research.co.uk
Ffôn: 07815772242
HYSBYSIAD PREIFATRWYDD
Pa ddata personol sydd gennym a ble rydyn ni'n cael y wybodaeth hon?
Mae data personol yn cael ei ddiffinio o dan Reoliad Diogelu Data Cyffredinol y DU (UK GDPR) fel 'unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol trwy gyfeirio at ddynodwr'.
Mae gan OB3 eich manylion cyswllt, eich enw a'ch cyfeiriad e-bost, am un o'r rhesymau canlynol:
· cawsant eu darparu i OB3 gan Lywodraeth Cymru, ac mae Llywodraeth Cymru yn cadw eich manylion oherwydd eich cysylltiad â Rhaglen Plant Iach Cymru
· fe'u darparwyd i OB3 gan gadeirydd y Fforwm Ymweld Iechyd sy'n dal manylion cyswllt arweinwyr Ymwelwyr Iechyd ar draws byrddau iechyd.
At ddibenion yr adolygiad yma y bydd OB3 ond yn defnyddio'r wybodaeth hon.
Bydd cyfranogwyr yn cael eu gwahodd trwy e-bost i gymryd rhan mewn cyfweliad ar-lein. Mae eich cyfranogiad yn wirfoddol ac os nad ydych yn dymuno cymryd rhan neu dderbyn neges atgoffa yna atebwch yr e-bost gwahoddiad a bydd eich manylion yn cael eu dileu.
Nid yw'r ymchwil hon yn gofyn am gasglu data personol ychwanegol gennych ac eithrio eich delwedd os ydych chi'n cytuno i'r cyfweliad gael ei recordio dros fideo.
Efallai y bydd angen i ni recordio cyfweliadau am resymau gweithredol. Os yw hyn yn wir, byddwn yn gwneud hyn yn glir i chi cyn i'r cyfweliad ddechrau, a byddwch yn cael cyfle i ddweud wrthym os nad ydych yn hapus i'r drafodaeth gael ei recordio. Os recordir cyfweliadau, bydd data personol yn cael eu dileu yn ystod y broses o drawsgrifio. Bydd recordiadau'n cael eu dileu cyn gynted ag y bydd y broses hon wedi'i chwblhau. Os na chofnodir trafodaethau, ni fydd data personol yn cael ei gynnwys mewn nodiadau ysgrifenedig a baratowyd yn ystod neu ar ôl y cyfweliadau.
Efallai y cewch eich gwahodd i gymryd rhan mewn cyfweliadau pellach neu grwpiau ffocws fel rhan o'r adolygiad hwn. Mae eich cyfranogiad mewn cyfweliadau pellach neu grwpiau ffocws yn wirfoddol ac os nad ydych yn dymuno cymryd rhan bydd eich manylion yn cael eu dileu. Ni fydd gofyn i chi ddarparu unrhyw wybodaeth bersonol bellach os gofynnir i chi gymryd rhan mewn trafodaethau pellach heblaw am eich delwedd fel yr eglurir uchod os ydych yn cytuno i drafodaeth bellach gael ei recordio dros fideo.
Os ydych chi'n codi ymholiad neu gŵyn ac yn darparu data personol sy'n gofyn am ymateb, bydd yr ymchwilydd yn anfon y cais ymlaen y cais at y swyddog perthnasol yn unig ac wedyn yn ei ddileu o'r data ymchwil.
Beth yw'r sail gyfreithlon dros ddefnyddio eich data?
Y sail gyfreithlon ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.
Mae eich cyfranogiad yn gwbl wirfoddol. Mae astudiaethau ymchwil fel hyn yn bwysig i Lywodraeth Cymru gasglu gwybodaeth a thystiolaeth weithredadwy am ei gallu i gyflawni blaenoriaethau'r llywodraeth. Gellid defnyddio'r wybodaeth a gesglir yn yr ymchwil hon, er enghraifft, i:
archwilio'r polisi a'r cyd-destun gweithredol sy'n ymwneud â Rhaglen Plant Iach Cymru; a
llunio gweithgareddau ymchwil pellach fel rhan o'r contract hwn.
Pa mor ddiogel yw eich data personol?
Mae gwybodaeth bersonol a ddarperir i OB3 bob amser yn cael ei storio ar weinydd diogel. Dim ond nifer cyfyngedig o ymchwilwyr sy'n gweithio ar y prosiect hwn gall gyrchu’r data. Bydd OB3 yn defnyddio'r data hwn at ddibenion ymchwil yn unig. Mae gan OB3 ardystiad Cyber Essentials.
Mae gan OB3 weithdrefnau i ddelio ag unrhyw doriadau diogelwch data a amheuir. Os bydd torri dan amheuaeth yn digwydd, bydd OB3 yn rhoi gwybod am hyn i Lywodraeth Cymru a fydd yn eich hysbysu chi ac unrhyw reoleiddiwr perthnasol lle mae'n ofynnol yn gyfreithiol i ni wneud hynny.
Bydd OB3 yn defnyddio'r wybodaeth a gesglir i gynhyrchu adroddiad a fydd yn cael ei gyhoeddi ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i adnabod cyfranogwyr unigol.
Pa mor hir ydyn ni'n cadw eich data personol?
Bydd OB3 yn cadw data personol yn ystod cyfnod y contract, a bydd unrhyw ddata personol nad yw'n cael ei ddileu eisoes yn cael ei ddileu gan OB3 o fewn tri mis i ddiwedd y contract. Mae hyn yn cynnwys eich manylion cyswllt.
Hawliau unigol
O dan GDPR y DU, mae gennych yr hawliau canlynol mewn perthynas â'r wybodaeth bersonol rydych chi'n ei darparu fel rhan o'r adolygiad hwn, yn benodol mae gennych yr hawl:
· I gael mynediad at gopi o'ch data eich hun;
· I ni gywiro anghywirdebau yn y data hwnnw;
· I wrthwynebu neu gyfyngu ar brosesu (mewn rhai amgylchiadau);
· I'ch data gael ei 'ddileu' (mewn rhai amgylchiadau); a
· Cyflwyno cwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.
Manylion cyswllt Swyddfa'r Comisiynydd Gwybodaeth yw: Wycliffe House, Water Lane, Wilmslow, Swydd Gaer, SK9 5AF. Ffôn: 0303 123 1113. Gwefan: www.ico.org.uk
Rhagor o wybodaeth
Os oes gennych unrhyw gwestiynau pellach am sut y bydd y data a ddarperir fel rhan o'r astudiaeth hon yn cael ei ddefnyddio gan Lywodraeth Cymru neu os hoffech arfer eich hawliau gan ddefnyddio Rheoliad Diogelu Data Cyffredinol y DU, cysylltwch â:
Enw: Christopher Eaton
Cyfeiriad e-bost: christopher.eaton@gov.wales
Rhif ffôn: 03000252957
Gellir cysylltu â Swyddog Diogelu Data Llywodraeth Cymru yn:
Llywodraeth Cymru, Parc Cathays, Caerdydd, CF10 3NQ, E-bost: DataProtectionOfficer@gov.cymru.