Gwerthusiad o'r Trailblazer Nghymru: Cyfweliadau cwmpasu gyda rhanddeiliaid
Mae Llywodraeth Cymru wedi comisiynu Ymchwil OB3 (OB3), mewn cydweithrediad â'r Institute for Employment Studies (IES) i gynnal gwerthusiad o'r cynllun peilot anweithgarwch econmaidd (Trailblazer) yng Nghymru.
Mae’r Trailblazer yn brosiect peilot sy’n ymdrin â anweithgarwch economaidd yng Nghymru, sy’n darparu cymorth wedi'i deilwra gan gynnwys mentora un-i-un, cwnsela, gwasanaethau lles, a rheoli cyflwr ar gyfer materion iechyd. Mae wedi cael ei dreialu mewn tair ardal ledled Cymru.
Bwriad y gwerthusiad yw datblygu theori newid ar gyfer y Trailblazer yng Nghymru, adolygu'r ddarpariaeth ar draws y tri ardal peilot ac adnabod canlyniadau cynnar y peilot er mwyn helpu llywio rheolaeth a darpariaeth y peilot ymhellach.
Fel rhan o'r ymchwil hon bydd OB3 ac IES yn casglu gwybodaeth trwy gyfweliadau cwmpasu gyda rhanddeiliaid sy'n ymwneud â sefydlu, cyflwyno a rheoli'r cynlluniau peilot arloesol.
Llywodraeth Cymru yw'r rheolwr data ar gyfer yr ymchwil.
Bydd y wybodaeth a gesglir yn ystod y prosiect yn cael ei chynnwys mewn adroddiad a gyhoeddir ar wefan Llywodraeth Cymru ac o bosibl mewn cyhoeddiadau eraill gan OB3 a Llywodraeth Cymru.
Mae eich cyfranogiad yn yr ymchwil hon yn gwbl wirfoddol. Fodd bynnag, mae eich barn a'ch profiadau yn bwysig er mwyn helpu i lywio polisïau Llywodraeth Cymru.
Y cyswllt ar gyfer yr ymchwil hon yn OB3 yw Nia Bryer.
Cyfeiriad e-bost: Nia.Bryer@ob3research.co.uk
Rhif ffôn: 07792 609821
HYSBYSIAD PREIFATRWYDD
Pa ddata personol ydym yn ei gadw a ble rydyn ni'n cael y wybodaeth hon?
Mae data personol yn cael ei ddiffinio o dan Reoliad Diogelu Data Cyffredinol y DU (UK GDPR) fel 'unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol trwy gyfeirio at ddynodwr'.
Darparwyd eich enw a'ch cyfeiriad e-bost i OB3 ac IES gan Lywodraeth Cymru, sy'n cadw eich gwybodaeth oherwydd ymgysylltiad parhaus â chi mewn perthynas â chyflwyno'r cynlluniau cynllun peilot yng Nghymru. Dim ond at ddibenion yr adolygiad hwn y bydd OB3 yn defnyddio'r wybodaeth hon.
Rydych wedi cael eich gwahodd i gymryd rhan mewn cyfweliad ar-lein. Mae eich cyfranogiad yn wirfoddol ac os nad ydych am gymryd rhan neu dderbyn neges atgoffa, atebwch y gwahoddiad a bydd eich manylion yn cael eu dileu.
Nid yw'r ymchwil hon yn gofyn am gasglu data personol ychwanegol gennych heblaw am eich delwedd os ydych chi'n cytuno i'r cyfweliad gael ei recordio ar fideo.
Efallai y bydd angen i ni recordio cyfweliadau am resymau gweithredol. Os yw hyn yn wir, byddwn yn gwneud hyn yn glir i chi cyn i'r cyfweliad ddechrau, a byddwch yn cael cyfle i ddweud wrthym os nad ydych yn hapus i'r drafodaeth gael ei recordio. Os bydd cyfweliadau'n cael eu cofnodi, bydd data personol yn cael ei dynnu yn ystod y broses o drawsgrifio. Bydd recordiadau'n cael eu dileu cyn gynted ag y bydd y broses hon wedi'i chwblhau. Os na chaiff trafodaethau eu cofnodi, ni fydd data personol yn cael ei gynnwys mewn nodiadau ysgrifenedig a baratowyd yn ystod neu ar ôl y cyfweliadau.
Os ydych chi'n codi ymholiad neu gŵyn ac yn darparu data personol sy'n gofyn am ymateb, bydd yr ymchwilydd yn anfon y cais ymlaen at y swyddog perthnasol yn unig ac wedi hynny yn ei ddileu o'r data ymchwil.
Beth yw'r sail gyfreithlon dros ddefnyddio eich data?
Y sail gyfreithlon ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.
Mae eich cyfranogiad yn gwbl wirfoddol. Mae astudiaethau ymchwil fel hyn yn bwysig i Lywodraeth Cymru gasglu gwybodaeth a thystiolaeth weithredadwy am ei gallu i gyflawni blaenoriaethau'r llywodraeth. Gellid defnyddio'r wybodaeth a gesglir yn yr ymchwil hon, er enghraifft, i:
archwilio'r cyd-destun polisi a gweithredol sy'n ymwneud â'r cynlluniau peilot Trailblazer yng Nghymru
deall sut mae'r cynlluniau Trailblazer yn cael eu gweithredu yng Nghymru a llywio theori newid ar eu cyfer
hysbysu gweithgareddau ymchwil pellach fel rhan o'r contract hwn.
Pa mor ddiogel yw eich data personol?
Mae gwybodaeth bersonol a ddarperir i OB3 ac IES bob amser yn cael ei storio ar weinydd diogel. Dim ond nifer cyfyngedig o ymchwilwyr sy'n gweithio ar y prosiect hwn y gellir cyrchu'r data. Bydd OB3 ac IES yn defnyddio'r data hwn at ddibenion ymchwil yn unig. Mae gan OB3 ac IES ardystiad hanfodion seiber.
Mae gan OB3 weithdrefnau i ddelio ag unrhyw doriadau diogelwch data a amheuir. Os amheuir bod toriad wedi digwydd, bydd OB3 yn rhoi gwybod am hyn i Lywodraeth Cymru a fydd yn rhoi gwybod i chi ac unrhyw reoleiddiwr perthnasol lle mae'n ofynnol yn gyfreithiol i ni wneud hynny.
Bydd OB3 ac IES yn defnyddio'r wybodaeth a gesglir i gynhyrchu adroddiad a fydd yn cael ei gyhoeddi ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i adnabod cyfranogwyr unigol.
Pa mor hir ydyn ni'n cadw eich data personol?
Bydd OB3 ac IES yn cadw data personol am gyfnod y contract, a bydd unrhyw ddata personol nad yw'n cael ei waredu eisoes yn cael ei ddileu gan OB3 ac IES o fewn tri mis i ddiwedd y contract. Mae hyn yn cynnwys eich manylion cyswllt.
Hawliau unigol
O dan GDPR y DU, mae gennych yr hawliau canlynol mewn perthynas â'r wybodaeth bersonol rydych chi'n ei darparu fel rhan o'r ymchwil hon, yn benodol mae gennych yr hawl:
I gael mynediad at gopi o'ch data eich hun;
I ni gywiro anghywirdebau yn y data hwnnw;
I wwrthwynebu neu gyfyngu ar brosesu (mewn rhai amgylchiadau);
I'ch data gael ei 'ddileu' (mewn rhai amgylchiadau); ac
I gyflwyno cwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.
Manylion cyswllt Swyddfa'r Comisiynydd Gwybodaeth yw: Wycliffe House, Water Lane, Wilmslow, Swydd Gaer, SK9 5AF. Ffôn: 0303 123 1113. Gwefan: www.ico.org.uk
Rhagor o Wybodaeth
Os oes gennych unrhyw gwestiynau pellach ynglŷn â sut y bydd y data a ddarperir fel rhan o'r astudiaeth hon yn cael ei ddefnyddio gan Lywodraeth Cymru neu os hoffech arfer eich hawliau gan ddefnyddio Rheoliad Diogelu Data Cyffredinol y DU, cysylltwch â:
Enw: Joshua Parry
Cyfeiriad e-bost: Joshua.Parry001@gov.wales
Rhif ffôn: 03000 252574
Gellir cysylltu â Swyddog Diogelu Data Llywodraeth Cymru yn:
Llywodraeth Cymru, Parc Cathays, Caerdydd, CF10 3NQ, E-bost: DataProtectionOfficer@gov.wales.